Charles, par la grace de Dieu roy de

France, à noz amez et feaulx les seneschals de

Lyon et gens tenans le siège seneschal audit lieu,

salut et dilection. Dela partye de notre amé

Charles de Chaste, seigneur dudit lieu, de La Faye,

La Brosse, et Sainct-Just, frère et heritier de feu

noble Guillaume de Chaste, nous a exposé

que pendant certain procès par devant vous

entre ledit feu Guillaume de Chaste, en son vivant

heritier de feue damoyselle Françoyse de Culain

et lauctorité de messire Marc Tribillet son curateur

decerné par justice ayant reprins le procès

au lieu de Charles Dallier son tuteur demandeur

à lenterinement de certaines lettres royaulx en

forme de rescicion des douziesme decembre mil Vc

dame de Laval, femme de messire Bertrand de Simiane,

chevalier de notre ordre, baron de Gordes, cappitaine de cinquante

hommes darmes, tant en son nom que comme heritière

anotée par justice, ayant aussi reprins ledit procès

mère deffeucte daultre, tant auroyt esté preceddé

en icelluy comme plusieurs sentences auroyent esté

par vous données mesmes le vingt quatriesme septembre

mil Vc soixante huict[mot barré] voulant faire

executer, lauqelle, par ledit feu Guillaume de Chaste

il seroit allé de vie à trespas y a envyron

troys ans passez, au moyen duquel decès ladite

instance auroyt despuys esté interrompue et sans

[192 v°] poursuitte daultant que lexposant nauroit

peu si tost estre averty de sa mort qui advint

es secondz troubles derniers, luy estant en notre

service au devant de Sainct-Jehan-d’Angelly, ny

moings de ses droictz, tellement que à present

ledit suppliant vouldroit voluntiers poursuyvre er

reprendre ladite instance et faire apparoir

de son bon droict en icelle, ce quil ne peult

sans estre au preallable subrogé au lieu, droict et

instance dudit feu Guillaume de Chaste son frère

duquel, comme dict est, il est heretier seul

requerant privision. Pource est il que nous, ces

choses considerées, vous mandons et enjoignons par

ces presentes que si lesdites partyes presentes ou appellées

ou leurs procureurs pour elles, il vous appert

dudit procès et aultres choses susdites audit cas

subrogiés ledit suppliant au lieu, droict et instance

dudit feu Guilhaume de Chaste tant que besoing

seroit et le joigniés à icellui procès et

oultre ladmettez et recepvez à y desduyre et

produyre ses tiltres, droictz et à poursuyvre

ledit procès ainsi quil appertiendra par raison et

receu par cesdites presentes par lesquelles mandons à

notre premier huissier ou sergent que, à la requeste

de lexposant, il adjourne ladite dame Guigonne

de Laval ou ses hoirs et tous aultres que

besoing sera à comparoir à jour certain et competant

par devant vous pour requerir lenterinement

des presentes et procedder oultre en ladite cause

avec le suppliant suyvant les derniers actes

[193] comme de raison vous certiffiant deuement

des exploictz sur ce et au surplus faictes aux

parties ouyes à droict et justice, nonobstant

ladite interruption pourveu quelle nempesche le

cours de la prescription soy faire subroger en

icelle dans le temps requis par noz ordonnances,

dont nous lavons rellevé er rellevons par ces

presentes, car ainsi nous plaist. Donné à Paris

le XXIIIe jour du moys doctobre, lan de grace mil

Vc soixante trèze et de notre règne le treziesme,

par le conseil enjourant, seellées à cire jaulne

à simple queue / coppie /

Lasignation est donnée à ladite dame Guigonne Lallemant

ou ses heritiers et aultres quil appertiendra à estre

et comparoir à Lyon pardevant messieurs les seneschal

et gens tenant le siège presidial audit Lyon au

jeudy troysiesme jour du moys de decembre prochain

venant mil Vc soixante et trèze, heure de court

aux fins des actes contenues esdites lettres dont la

coppie est cy dessus escripte. Faict et

executé par moy, Anthoine Gras, sergent

royal esdite senechaussée et siège presidial estably

par le roy à Lyon, le XXIIIe jour du moys

de novembre an susdit, ainsi signé Gras

sergent royal.

- TOME : XXI

- F : 192::

- F : 193::

- EXPEDITEUR : Charles IX

- DESTINATAIRE : Charles de Chaste

- DATE :

TYPE : reponse

CAT : reelle

- DATE : 1573-10-24

TYPE : expedition

CAT : reelle

- DATE : 1573-10-24

TYPE : expedition

CAT : affiche

- DATE :

TYPE : reception

CAT : reelle

- LIEU : Paris

TYPE : expedition

GPS : 48° 85' 67'' N ; 2° 35' 21'' E

- LIEU :

TYPE : reception

GPS :

- HYPERLIEN :

- BIBLIOGRAPHIE :

- NOTE : sur le repli : "subrogation de M. de Chaste au lieu de feu son frère au procès de Bully"